Блог статистикасы
195
Жазбалар
5141
Өтініштер
207856
Келушілер
Облыстық Басқармалар
(жергілікті бюджеттен қаржыландырылатын)
Областные управления и департаменты
(финансируемые из республиканского бюджета)

Есептік кездесулер

Рудный қаласының әкімі Б.Т. Ғаязовтың

2020 жылғы 27 қаңтар мен 7 ақпан аралығында өткен есепті кездесулері

барысында айтылған халықтың ұсыныстары мен ескертулерін іске асыру жөніндегі іс-шаралар жоспары

р/с

Айтылған

ескертулер/ұсыныстар

Ескертулерді/ ұсыныстарды іске асыру жөніндегі іс-шараларды орындау мерзімі

Жауаптылар

1.

Парковая көшесіндегі № 118 үйге және Фрунзе көшесіндегі № 20 және № 22 үйлерге орамішілік өтпе жолдарды, сондай-ақ № 21 гимназияға жаяу өтпе жолдарды орнату бойынша жұмыс жүргізу

2020 жылғы 1 тамызға дейін

Ә.Қ. Есқатов

О.С.Өмірзақов

2.    

Ауыржүктасығыш автомобильдердің көпірімен жүруге тыйым салу мәселесін қарау, қажет болған жағдайда жол белгісін орнатуды көздеу

2020 жылғы 1 наурызға дейін

Ә.М.Бажықбаев

(келісім бойынша)

О.С.Өмірзақов

3.    

Кентте 3 балалар ойын алаңын орнату

2020 жылғы 1 қыркүйеке дейін

А.Қ.Ескатов

О.С.Өмірзақов


Қашар к. әкімі А.С. Алдоңғаровтың және

Горняцк к. әкімі Б.Т. Сандыбаевтың халықпен есептік кездесулерін өткізу

КЕСТЕСІ

№ р/с

Кент атауы

Әкімнің

Т.А.Ә.

Өтетін күні

Елді мекен

Өтетін орны және уақыты

1

Қашар к.

А.С.

Алдоңғаров

28.01.2020 ж.

Қашар к.

№ 2 Қашар мектебі,

сағ. 11.00

2

Горняцк к.

Б.Т. Сандыбаев

29.01.2020 ж.

Перцев а.

Мектеп ғимараты,

сағ. 11.00

27.01.2020 ж.

Горняцк к.

Горняцк к. әкімі аппаратының ғимараты,

сағ. 15.00

Қашар кенті әкімінің есептік кездесуіне сұрақтар мен ұсыныстар Қашар кенті,

1 ш.а., 7а үй, Қашар кенті әкімі аппаратының фойесі мекенжайы бойынша, сондай-ақ akimatkachar@mail.ru электрондық поштасы арқылы қабылданады.

Горняцк кенті әкімінің есептік кездесуіне сұрақтар мен ұсыныстар Горняцк кенті, Сәтпаев к-сі., Горняцк кенті әкімі аппаратының фойесі мекенжайы бойынша, сондай-ақ gornrud@yandex.ru электрондық поштасы арқылы қабылданады.


Рудный қаласының әкімі Б.Т. Ғаязовтың

халықпен есептік кездесулерін өткізу

кестесі

№ р/с

Өтетін күні

Елді мекен

Өтетін орны және уақыты

1.

04.02.2020 ж.

Рудный қ.

Рудный индустриалды институтының ғимараты,

сағ. 11.00

2.

07.02.2020 ж.

Рудный қ.

Әкімдік ғимараты,

сағ. 15.00

Ұсыныстар, ескертулер мен пікірлерді жинау орындары

(арнайы жәшіктер):

         Рудный қ., Рудный қ. әкімдігінің ғимараты.

         Қашар к., «Қашар кенті әкімінің аппараты» ММ ғимараты.

         Горняцк к., «Горняцк кенті әкімінің аппараты» ММ ғимараты.

         Перцев а., Негізгі мектебі.

         Халықтың ұсыныстары, ескертулері мен пікірлері жұмыс күндері 4-12-77 телефоны бойынша сағат 9.00-ден 18.30-ға дейін қабылданады, түскі үзіліс 13.00-ден 14.30-ға дейін, сондай-ақ "Рудный қаласы әкімінің аппараты" ММ "Instagram", "Facebook" әлеуметтік желілерінде аккаунттары арқылы.

Электрондық поштаның мекенжайы: orgotdel-rudny@kostanay.gov.kz


* * * * *

Әкім Б.Т.Ғаязовтың Рудный қаласының 2019 жылғы
əлеуметтік-экономикалық даму қорытындылары туралы есебі

ҚҰРМЕТТІ РУДНЫЙЛЫҚТАР!

Сіздердің назарлары-ңызға Рудный қаласының 2019 жылғы әлеуметтік-экономикалық даму қорытындылары мен 2020 жылдың жоспарлары туралы есеп беруімді ұсынамын.

Рудный қаласының 2019 жылғы әлеуметтік-экономикалық дамуы Президенттің 2019 жылға арналған Жолдауын іске асырудың іс-шаралар жоспарында қарастырылған мақсаттары мен міндеттеріне және Рудный қаласының аумағын 2020 жылға дейін дамыту бағдарламасына сай жүзеге асты.

Өткен жылы экономика саласының барлық негізгі салалары оң нәтижелерге қол жеткізді. Мысалы: өнеркәсіпте - 6,8%, құрылыста 26,7%, саудада - 1,4%.

Қала облыс көлемінде жетекші индустриалды өңір болды және солай болып қала да бермек. Өнеркәсіптік өндіріс көлемінде Рудный қаласы Қостанай облысы өңірінде 1 орынды иеленуде.

Өндірілген индекс көлемі 106,8% құрайды. Жылдың қорытындысы бойынша өнеркәсіп өндірісінің көлемі 449 млрд. теңгені құрады, бұл өткен жылмен салыс-
тырғанда 124 млрд.теңгеге артық.

Темір кені концентратын, түйіршіктерді, отқа төзімді кірпіштерді, тұрмыстық химия өнімдерін, сүт өнімдері мен сусындардың өнімдерін өндіру ұлғайтылды.

Айлық жалақы орта есеппен 14 пайызға өсіп, 173 мың 436 теңгені құрады.

Қала бюджетінің кіріс жоспары 106%-ға орындалып, 14,7 млрд.теңге жоспарында қалаға 15,6 млрд.теңге кіріс түсті.

Тұрғын үй құрылысына 2,2 млрд. теңге инвестиция бөлініп, 26 мың 499 шаршы метрлі тұрғын үй пайдалануға берілді. Бұл 2018 жылмен салыстырғанда 106% көрсеткішті құрады.

2019 жылы көп балалы отбасылар мен тұрғындардың әлеуметтік осал топтарына арналған 50 пәтерлік тұрғын үй пайдалануға берілді.

Рудныйдың инфрақұрылымы

Өткен жылы қаланың инфрақұрылымын дамытуға көп көңіл бөлінді.

Рудный қаласында жалпы көлемі 625 млн.теңгеге 180 мың шаршы метр жол орташа жөнделсе, Қашар кентінде 200 млн.теңге сомасына 42 мың шаршы метр асфальт төселді.

Мира көшесі мен П. Корчагин көшесінің шекараларындағы Володарский көшесін қайта жаңғырту асфальт жабындысын ауыстыру, жарықтандыру желілерін салу және жасыл желектер отырғызу жұмыстарын орындаумен атқарылды. Жалпы, қаланы абаттандыру және көгалдандыру аясында 900 түп ағаш отырғызылды.

Қала көшелерін жарықтандыру бойынша көп жұмыс атқарылды.

Атап айтар болсақ, 23,28,29 шағын аудандар, Сандригайло және Ленин көшелерінде жарықтандыру желілерінің құрылысы аяқталып, Қашар, Мира, Горняков, Свердлов көшелері мен Студенттер даңғылының, Дзержинский көшесінің шамдары мен тіреу бағандары ауыстырылды. 10 көшенің қиылысындағы бағдаршамдар заманауй бағдаршамға ауыстырылды.

Рудный қаласының 15 ауласы балалардың спорттық - ойын алаңдарымен абаттандырылса, фабрика - завод бөлімшесінің кенті мен Перцевка ауылында бір балалардың спорттық - ойын алаңдары орнатылды.

Қашар кентінде 1 балалар алаңы, 1 спорт алаңы және скейтпарк орнатылды. Балаларға арналған алаңдардың барлығыда металдан жасалған спорттық және ойын құрылғылармен жабдықталған. Құрылғылар сан қырлы функционалдылығымен, қауіпсіздігімен және эстетикалық келбетімен ерекшеленеді.

Бизнес-ортаны дамыту

Қазақстанның жаңғыруының басты басымдығының бірі - бизнесті түбегейлі жақсарту және дамыту болып табылады.

Қалада тіркелген 7788 шағын және орта бизнес субъектілерінен жұмыс істеп тұрған субъектілердің үлесі 82,5% құрайды.

«Бизнестің жол картасы-2020» атты бизнесті қолдау мен дамытудың бірыңғай бағдарламасы аясында пайыздық мөлшерлемемен субсидиялау арқылы 1 млрд. 435 мың теңге сомасына 35 жоба мақұлданды, оның ішінде 309 млн.теңге сомасындағы
18 жоба кепілденді-рілген жоба болып табылады.

Қаржылық емес қолдау шараларын қолдану арқылы 134 кәсіпкер сервистік
қызмет көрсетуге ие болса, 780 адам ақпараттық қызмет көрсетуге ие болды, қайта даярлау курстарында 67 адам оқып, сертификаттарды иеленді. Білікті мамандардың кеңесінен соң 73 кәсіпкер өз ісін ашты.

Нәтижелі жұмыспен қамтуды және жаппай кәсіпкерлікті дамытудың «Еңбек» бағдарламасының екінші бағыты аясында екінші деңгейлі банктер мен «Ауыл шаруашылығын қаржылай қолдау қоры» АҚ арқылы 188,4 млн. теңгеге 19 шағын несие және 23,4 млн. теңгеге 3 кепілдемелі несие берілді.

Іске асырылған мемлекеттік бағдарламалар аясында қала кәсіпкерлері жаңадан 146 жұмыс орнын ашты.

Әлеуметтік сала

Әлеуметтік мәселелерге келер болсақ, экономикалық саясат пен экономикалық тиімділіктің маңызды мәселелерінің бірі - тұрғындарды жұмыспен қамту. Бұл бағытта нәтижелі жұмыспен қамтуды және жаппай кәсіпкерлікті дамытудың «Еңбек» мемлекеттік бағдарламасы белсенді түрде жүзеге асырылуда. Бағдарлама еңбек нарығындағы сұранысқа ие кәсіптік дағдылар мен біліктіліктерді игерудің жүйесін құруға, кәсіпкерлікті дамытуға, еңбек делдалдығының тиімді моделін құруға, оның ішінде халықтың әлеуметтік әлсіз топтарын қолдауға бағытталған.

2019 жылы жұмыспен қамту шаралары 2934 адамды қамтыды. Бұл қарастырылған жоспардың 115 % құрайды.

1751 адам тұрақты жұмыс орындарына, 354 адам қоғамдық жұмыстарға, 174 адам әлеуметтік жұмыстарға, 71 түлек жастар практикасы бойынша жұмысқа орналастырылды.

Жұмыспен қамту іс-шараларына әйел азаматшалардың 1356 немесе 57,7 % қамтылса, 29 жасқа дейінгі жастардың 692 немесе 29,4 % қамтылды.

Бағдарламаның іске асырылуы оң әлеуметтік-
экономикалық нәтиже береді және тұрғылықты халықтың әл-ауқатын жақсартуға бағытталған.

Әлеуметтік саланы дамыту мәселелеріне ерекше көңіл бөлінеді.

Жыл басынан бері 377,9 млн. теңге сомасында 6159 қала азаматтарына өтемақы төленіп, көмек берілді.

Мемлекеттік атаулы әлеуметтік көмек 2883 адамға, тұрғын үй көмегі 710 отбасыға, әлеуметтік көмек 2239 адамға берілді.

Жеңіс күнін мерекелеу аясында Ұлы Отан соғысының қатысушылары мен мүгедектері, сондай-ақ оларға теңестірілген 1294 жандар соғысқа қатысушыларға берілетін жеңілдіктер мен кепілдіктер бойынша біржолғы материалдық көмек алды.

Ерекше күтімді қажет ететін азаматтарға аса көңіл бөлінеді.

Оңалту бағдарламаларына сәйкес - үйде оқу, жеке көмекшінің қызметі, ым арқылы сөйлесу тілі маманы қызметінің еңбек ақылары өтеледі.

Осы игілікті мақсатқа 36,2 млн. теңге бюджет қаржысы жұмсалды.

Жалпы алғанда, 2019 жылы жұмыспен қамтуды және әлеуметтік қорғауды қамтамасыз етуге 1 миллиард 400 мың теңге жұмсалды.

Білім беру

Білім беру саласын дамытуға қолайлы жағдай жасау үшін барлық қажетті шаралар қабылдануда. Мемлекеттік-жекеменшік серіктестікті дамыту жұмыстары белсендірілді. Атап айтар болсақ, 3 жеке меншіктегі мектепке дейінгі ұйымдарда 280 орынды мемлекеттік білім тапсырысы орналастырылды. Бұндай шара балабақшалардағы кезекті азайту мәселесін шешуге мүмкіндік береді.

3 жастан 6 жасқа дейінгі балаларды мектепке
дейінгі тәрбиемен қамту пайызы 97,8% құрады, бұл өткен жылғы көрсеткіштен 9,7% жоғары, мектеп алды даярлығы жасындағы бүлдіршіндерді қамту 100% құрады.

Жалпы білім беру мектептеріндегі оқушылар саны жыл сайын артып, оқушылар санының ұлғайуы - 681 оқушыны құрады. Жаңа оқу жылында бірінші сынып оқушыларының 2121 мектеп табалдырығын аттады.

Өткен оқу жылымен салыстырғанда бірінші сынып оқушыларының саны - 415 оқушыға артты. Жалпы білім беру мектептеріндегі оқушылар саны 666 сынып - жиынтығын құрады. 2018-2019 оқу жылына қарағанда бұл 21 сынып - жиынтыққа артық.

2019 жылы орта мектепті бітірген 454 оқушының 344-і жоғары оқу орындарына, 85-і колледждерге оқуға түссе, жұмысқа орналасқандардың саны -25.

Цифрлық Қазақстан бағдарламасы аясында IT-бағыт пен робота техниканы дамыту үшін робототехника, бағдарламалау және 3D модельдеу сыныптары ашылуда. Қаланың барлық мектептері кең жолақты Интернетпен қамтылған.

4 мектепте робототехника үйірмелері жұмыс істесе, 2 балабақшада «Легоқұрастыру» жобасы жүзеге асырылып, 2 стем-зертханасы, 4 it-технологиялық, 1 сандық технология кабинеті ашылды.

Оқушыларға қолайлы жағдай жасау мақсатында, №4 мектеп-лицейі, №19 орта мектебі, № 3 орта мектебі мен № 9, № 10 балабақшалардың шатырына жалпы құны 294 миллион теңгеге күрделі жөндеу жасалса, Қашар кентіндегі №11 балабақшаға ағымдық жөндеу жұмысы жүргізілді. Атқарылған жұмыстардың жалпы құны 294 млн. теңгені құрады.

Барлық білім беру ұйымдары бейнебақылау камераларымен қамтамасыз етіліп, жыл соңында олардың саны 951 бірлікті құрады.

2019 жылы жалпы сомасы 6,5 млн. теңгеге 114 бейнебақылау камералары сатып алынса, білім беруді цифрландыру бағдарламасын жүзеге асыру аясында 57 ескірген бейнебақылау камералары ауыстыруды қажет етеді.

Мәдениет және спорт

Мәдениет саласында 1775 адам қызмет атқаратын 80 клубтық бірлестік бар. 2019 жылы 983 іс-шара өткізілді, оның ішінде балалар мен жасөспірімдерге арнап – 492 іс-шара, 493 - қайырымдылық іс-шаралары өткізілді.

Қашар кентіндегі «Юность» мәдениет үйі ғимаратына 289 миллион теңгеге күрделі жөндеу жүргізілді.

Кез-келген жастағы халықты көп қамтитын спорттық іс-шаралар санының көбеюі басым бағыттағы міндеттердің бірі болып қала берері анық.

Қала бойынша 98 дене шынықтыру ұжымы жұмыс істейді. Спортпен 41 мыңнан астам адам немесе халықтың 32% шұғылданады. Былтырғы жылы 72 мыңнан астам адамды қамтыған 420 спорттық іс-шара өткізілді.

Жастар жылының қорытындысы

Өткен 2019 жыл Жастар жылы деп жарияланды. Біздің қаламызда 28513 жас азаматтар тұрады.

Жастар жылының басты міндеттері - сапалы білім, жұмыспен қамту, қол жетімді баспана мәселелері болды.

Жастарды жұмыспен қамту саласы бойынша 2019 жылы мемлекеттік бағдарламалар аясында өтініш берген 500-ден астам жасқа көмек көрсетілді

Денсаулық сақтау ұйымдарына 27 жас маман келсе, білім саласына - 41 жас маман жұмысқа орналасты. Еңбек нарығында колледж түлектері мен жұмысшы мамандығын иеленген Рудный индустриалды институтының студенттері жоғары сұранысқа ие.

Нәтижелі жұмыспен қамтуды және жаппай кәсіпкерлікті дамытудың «Еңбек» мемлекеттік бағдарламасы аясындағы «Жас кәсіпкер» жобасы бойынша 35 жас рудныйлық азаматтардың әрқайсысы 505 мың теңгеден кепілдемелі қаржыландыруға ие болды.

Өткен жылы баршамыз жастар ұйымдары өткізген ең қызықты шаралардың куәгерлері мен қатысушылары болдық.

Жастардың ресурстық орталығы жыл аяғында облыстық ЖРО рейтингісінде 1 орынға ие болып, қызмет көрсетудің сапалы жаңа деңгейіне қол жеткізді. Осы еңбектің нәтижесінде Рудный қаласы «Үздік еріктілер штабы» және «Үздік еріктілер» номинациялары бойынша ең жоғары марапатқа ие болды.

Көрсетілетін мемлекеттік қызметтерге барша тұрғын халықтың ашық және сапалы түрде қол жетімділігі - Мемлекет басшысының мемлекеттік басқарылым органдарының алдына қойған басты міндеттерінің бірі болып табылады.

«Бір терезе» қағидасы негізінде көрсетілетін мемлекеттік қызметтерге тұрғылықты халықтың қол жетімділігі үшін - халыққа қызмет көрсету орталығының 2 филиалы - Рудный қаласы мен Қашар кентінде қызмет көрсетеді.

Қызметтерді алу процесін жеңілдету үшін, ХҚКО әр клиент электрондық қызметті өзі ала алатын «Connection Point» қызмет көрсету секторы немесе «Азаматтарға арналған үкімет» мемлекеттік корпорациясы қызметкерінің көмегімен ала алатын қызмет көрсету секторлары жұмыс істейді. Осы қағидаға сәйкес, қаланың барлық мемлекеттік мекемелері мен мектептерінде, сондай-ақ «Rydnyi komek alany» жұмыс - кеңсесінде құрылған өзіне-өзі қызмет көрсету бұрыштары сәтті қызмет атқаруда.

Басым бағыттар

Ағымдағы жылы мемлекеттік органдардың қызметі азаматтардың өмір сүру сапасын жақсартуға бағытталған іс- шараларды жүзеге асыруға бағытталады.

Бірінші басымдық - әлеуметтік саланы және адам әлеуетін дамыту.

Балаларды мектепке дейінгі тәрбиемен 100% қамту жұмысы жалғасын табады. Мемлекеттік-жекеменшік серіктестік механизімін қолдана отырып Сандригайло көшесіндегі 265 орындық балалар бақшасын қалпына келтіру мен қатар, екі жекеменшік балабақшада мемлекеттік тапсырысты 55 орынға көбейту жоспарланып отыр.

Балалардың дамуы мен білім алуы үшін толық және қауіпсіз жағдайларды қамтамасыз ету мақсатында, № 14 мектепке күрделі жөндеу жүргізуге облыстық бюджеттен, № 9, 18 және 19 мектептерге күрделі жөндеу жүргізу үшін жобалық құжаттамаларын әзірлеуге қалалық бюджеттен қаражат бөлінді.

Білім саласын цифрландыру бағдарламасын іске асыру жұмысы жалғасын
тауып, қала мектептеріндегі ескірген бейне камералар ауыстырылады.

Балаларға арналған 10 спорттық - ойын алаңын салу жоспарланып отыр.

Жуық арада қалада жаңа спорт зал, денешынықтыру - сауықтыру кешені салынып, балалар мен жасөспірімдердің шығармашылығын дамыту сарайы қайта жаңартудан өткізіледі. Бұл нысандар үшін жобалау жұмыстары жүргізілуде. Жастар сарайы құрылысының жобалық-сметалық құжатына сараптама жасау жоспарланған.

Екінші басымдық - көліктік және инженерлік инфрақұрылымды дамыту. Ағымдағы жылы Рудный қаласының ішкі кварталдарының жолдарындағы асфальт жабындысына орташа жөндеу жұмыстарын жүргізуге 700 млн. теңге бөлінсе, көшелердің жарықтандыру желілерін қалпына келтіру жұмыстарын жалғастыруға 100 млн. теңге бөлінген.

Восточная көшесін салу жобасы жүзеге асырылады. 18-ші шағын ауданға кәріз коллекторын салу, газ тарту, Перцев селосына су өткізу жоспарланған.

Ағымдағы жылы қалалық жағажайды салу мен Горняк, И. Франко, 40 лет Октября көшелерінің бойында саябақ салуды жобалау жұмыстары жоспарланған.

Үшінші басым бағыт –тұрғын үй құрылысы.

2020 жылы 39 кварталда екі тұрғын үй салу жоспарлануда. Тағы екі үйдің құрылысының мердігерлері анықталып, қаржыландыру мәселесі шешілуде. Құрылыс 2020-2021 жылдарға жоспарланған.

Құрметті рудныйлықтар, әлеуметтік - экономикалық салалардағы оң нәтижелерге қала тұрғындарының ұйымшылдығының және қажырлы еңбегінің арқасында қол жеткіздік. Ағымдағы жылы шешуді қажет ететін көптеген мәселелер мен сұрақтар, жоспарлар мен міндеттер бар.

Көздеген мақсаттарға жету үшін жергілікті атқарушы органдар қаланың тұрақты дамуы мен тұрғындардың әл-ауқатын арттыру бағытында жұмысын
жалғастыратын болады.

* * * * *

Қашар кентінің әкімі А.С. Алдоңғаровтың

  2019 жылдағы жұмыстар туралы есебі

 

         Рудный қаласы әкімдігінің әкімшілік бағынышында 12 551 халқы бар Қашар кенті бар, оның ішінде 1 882-і зейнеткерлер. Халықтың экономикалық белсенділік саны 6021 адамды құрайды, оның 4190 адамы жұмыскерлер. Бюджеттің  төртінші деңгейіне өтуге байланысты «Қашар кенті әкімінің аппараты» мемлекеттік мекемесінің ведомстволық бағынышына берілді: «№ 4 балабақша» МКҚК, «№ 11 балабақша» МКҚК, Қашар кентінің «Юность» мәдениет үйі» МКҚК.

Білім:

         Кентте 2 орта мектеп бар, бірі мемлекеттік тілде оқытумен. Орта мектеп базасында 2 шағын орталық бар. Барлығы 1 615  баланы оқытумен қамтылған.

         Кентімізде екі балабақша жұмыс істейді: «№ 4 балабақша» МКҚК                    185 балаға  жобалық мүмкіндігімен. Балабақшада бір топ мемлекеттік тілде оқытумен.  «№ 11 балабақша» МКҚК 148 балаға жобалық қуаттылығымен.

Денсаулық сақтау:

         Медицина қызметін халыққа  «Қашар қалалық аурухана» МКҚК көрсетеді. 2019 жылы 3 дәрігер қабылданды, оның ішінде 1 дәрігер –жалпы тәжірибелік –жас маман, невропатолог дәрігер (УДЗ) және терапевт дәрігер. Жалпы тәжірибелік дәрігерге жөнделген екі бөлмелі пәтер берілді. Екі автомобиль сатып алынды: 9 млн. 900 мың теңге сомасына УАЗ, 4 млн. 140 мың теңге сомасына Нива. 180 мың теңгеге 3 телевизор, 3 млн. 450 мың теңгеге ГК-100 стерилизатор, 1 млн. 350 мың теңгеге биохимиялық анализатор сатып алынды. 1,2 млн. теңгеге дәрігерлік диагностика ғимараты жайына жөндеу жүргізілді. 

Халықты әлеуметтік қорғау және жұмысқа орналастыру:

«Еңбек» нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасы аясында 2019 жылы      6 адам курстарда оқыды және мамандықтар бойынша жұмысқа орналастырылды:  «Аспаз», «Экскаватор машинисті», «Құрылғыларды жөндеу бойынша электрослесарь (слесарь), «Әрлеу жұмысының шеберірі», «Кондитер».

         2019 жылда кентті абаттандыру бойынша қоғамдық жұмыстарға 20 адам қатысты.

Жәрдемақы түріндегі әлеуметтік көмекті 48 отбасы алды.

ТҮКШ және абаттандыру саласындағы жұмыстар:

2019 жылы 161,1 млн. теңге сомасына Қашар кентінің кварталіші және кент жолдарын орташа жөндеу жүргізілді. 1-2-3-шағынаудандардағы 33,123 м2 кварталіші жолдары және кіре берістегі бірінші айналымнан 70а үйге дейін 8530 м2 құрады. Жиыны 416653 м2.

Кентке жылу беруді «ССКӨБ» АҚ Қашар ЖЭЦ  қамтамасыз етеді. Кенттегі жылумен жабдықтау жүйесіне техникалық қызмет көрсетуді «Рудненские тепловые сети» ЖШС жүргізеді. Қашар кентінде жылу орталығы жанындағы ұзындығы 200 м жылу торабы құбырларын ауыстыру жүргізілді;              1 шағынаудандағы № 6 тұрғын үй ауданындағы ұзындығы 30 метр жылу торабының құбыры ауыстырылды.

 «Рудненский водоканал» ЖШС 2019 жылы Қашар к. келесі жұмыстар жүргізілді: Привольная көшесіндегі ұзындығы 110 м иаметрі 200 мм су таратқышты жөндеу;

2 шағынаудандағы № 65 тұрғын үй ауданындағы  44 м ұзындықтағы су таратқышты жөндеу; № 84 тұрғын үй ауданындағы  135 м ұзындықтағы су таратқышты жөндеу; үшінші шағынаудандағы № 3, № 21 тұрғын үйлер ауданындағы  56 м ұзындықтағы су таратқышты жөндеу; № 4 сорғы, тұнықталған ағын сулардың кәріздік-сорғы станцияларының (КСС) технологиялық құрылғыларын ауыстыру; № 3 сорғы, тұнықталған ағын сулардың кәріздік-сорғы станцияларының (КСС) технологиялық құрылғыларын ауыстыру;  2 шағынаудандағы № 78 тұрғын үй ауданындағы  52 м ұзындықтағы су таратқышты жөндеу;

Қашар кентінде табиғи газ желісіне қосылу жүргізілуде. Бүгінгі күні табиғи газға  118 абонент  қосылды, олардан 35-і жеке тұрғын үй және 83-і пәтер.

2019 жылы облыстық бюджеттен 226 млн. 956 мың  теңге көлемінде трансферт бөлінді. Салықтық және салықтық емес түсімдер 30 млн. 362 мың  теңге көлемінде құрады.

Бюджет қаражаты бағытталды:

Қашар кентінде балалар алаңшасын орнату және сатып алуға -4 млн. 977 мың 778 теңге.

Қашар кентінде спорт алаңшасын орнату және сатып алуға -6 млн. 977 мың 778 теңге.

Скейтпаркті орнату -12 млн. 953 мың теңге.

мұз қалашығын орнатуға -1,3 млн. теңге.

гүлзарларды отырғызу және күтім жасауға -2,4 млн. теңге.

қыс мезгілінде көшелер мен жолдарды тазалауға -699 мың  теңге.

Қашар кентіндегі шөптерді оруға -1,6 млн. теңге.

қаңғыма жануарларды аулауға -252  мың  теңге.

Қашар кенті аумағын дәрілеуге -241 мың  теңге.

Қашар кентіндегі ағаштарды ұштауға -868 мың теңге.

жол белгілерін орнатуға -169 мың теңге.

көшелерді жарықтандыруға -4,8 млн.  теңге.

көшеттерді сатып алуға -1,2 млн.  теңге.

жолдарды жөндеуге – 200 млн. теңге.

 

Ведомстволық бағыныштағы мекемелер мен ұйымдардың шығыстары жұмсалды:

         «№ 4 балабақша» КМҚК-81 млн. 450 мың теңге.

         «№ 11 балабақша» КМҚК – 63 млн.473 мың теңге.

         «Юность» МҮ – 36 млн. 280 мың 700 теңге. 

         Жыл бойы жоспарлы қардан тазалау, жаяу жүргіншілер жүргізілді. Жазғы уақытта кент аумағындағы шөптерді ору жүргізілді. Қаңғыма жануарларды жоспарлы аулау жүргізілді.

Көктемгі су тасқынына дайындық және оны апатсыз өткізу аясында

кент бойынша су тасқыны шараларына қарсы бекітілген және дайындалған жоспарға сәйкес су тасқыны кезеңін апатсыз өткізу бойынша жұмыстар жүргізілді.

          Статистика:

Жылына екі рет әкім аппараты мамандарымен шаруашылық кітаптарын жаңарту  жүргізіледі. 03.01.2019 жылғы жағдай бойынша кенттегі барлық мал саны құрады: ІҚМ -127 бас, МҚМ -217 бас, ат -2 бас, шошқа -117 бас, құстар -771.

Орта және кіші бизнес:

Қашар кентінде 6 дәріхана, 104-кіші  бизнес нысандары, 2 –екінші деңгейдегі банк филиалдары, 1 –сақтандыру компаниясы, 2 заң қызметтерін көрсетуші ұйым, 2 –нотариалдық қызметтер көрсетуші ұйым бар.

Байланыс:

Қашар кентіне «Қазақтелеком» АҚ  қызмет көрсетеді, барлығы 2785 абонент.

Хабарламаларды жіберу және жеткізуді  «Қазпошта» АҚ жүргізеді. Сондай-ақ Қостанай кәбілдік жүйесі жоғары жылдамдықтағы интернет пен кәбілдік телевидениені ұсыну бойынша қызметтер көрсетеді.

Спорт, мәдениет:

2019 жылы облыстық бюджеттен 289 млн. 191 мың 800 теңге сомасындағы трансферт Қашар кентінің «Юность» мәдениет үйі» МКҚК ғимаратын күрделі жөндеу  үшін бөлінді.  Қазіргі күні  23 клуб жасақталған, 300 адам айналысады. 2019  жылда 130  іс-шара өткізілді. Өткен жылы Мәдениет үйінің би ұжымы 2019 жылы өз өнерлерін жоғары көрсетті және халықаралық, республикалық конкурстарда лаурет атанды және Екатеринбург қ., Қостанай қ., Рудный қ. беделді марапаттарға ие болды.

Кенттің салауатты өміріндегі негізгі жұмыстар «Качарец» спорт кешенімен байланысты. Жыл сайын зейнеткерлер арасында  волейбол, баскетбол, футбол, бокс және пионербол бойынша турнирлер өткізіледі. Орта есеппен күніне 300 адам қатысады.

 «Рухани Жаңғыру» бағдарламасын жүзеге асыру туралы:

 «Рухани Жаңғыру» бағдарламасын жүзеге асыруда келесі іс-шаралар өткізілді:

меценат Жайлаубаев Сәбит Ғалымжанұлымен көп балалы отбасығапәтер өтеусіз берілді.  Жеке кәсіпкерлер Адамчук Александр Сергеевич, Орлова Лилия Миннегаязовна, Багаутдинова Ризида Фаритовна, Муратова Марина Дмитриевнамен осы көп балалы отбасыға тұрмыстық техникалар сатып алуда көмек көрсетілді.

«АБЗ плюс» ЖШС-мен  «№ 1 Қашар орта мектебі» КММ кіреберіс алдына асфальтбетон жабыны төсеу түріндегі қайырымдылық көмек көрсетілді.

Жеке кәсіпкер Адамчук Александр Сергеевичпен емделуге мұқтаж Алтаев Даниал Мұратұлына қайырымдылық көмек көрсетілді. Қазір ол баланың алдағы емделуіне де көмек беруін жалғастыруда.

2019 жылғы 18 қазаннан бастап 20 қазан аралығында Қашар кентінде «Золотой Цирк Сибири» Шапито циркі халық алдында өнер көрсетті. Ұйымдастырушылармен Қашар кентіндегі аз қамтылған отбасы балаларына осы қойылымға келулері үшін 60 тегін билет берілді.

«SPEKO» ЖШС өз қамқорлығына екі аз қамтылған отбасыны алды және ай сайын 10 000 теңге көлемінде қайырымдылық көмек жасайды.

2019 жылғы 25 желтоқсанда Қашар кенті әкімінің аппараты «Юность» МҮ аз қамтылған, тұрмысы төмен отбасы балаларына, сондай-ақ мүгедек балаларға арналған қайырымдылық ертеңгіліктерін ұйымдастырды. Қашар кентінің жеке кәсіпкерлерінің қолдаулары мен қаржыландыруы арқасында болды. Жаңа жыл алдын барлығы 155 бала назардан тыс қалмады.

2019 жылғы шілдеде Өтеген-Көл көлінде «Таза жағалау» акциясы өтіп, кент тұрғындары, кент ұйымдары қатысты. Рұқсатсыз төгілген қоқыстарды тазалау бойынша жұмыстарда «SPEKO» ЖШС мен «ССКӨБ» АҚ ерекше алғыс білдіргім келеді. Өтеген көл көлінде Бүркіт мектеп жасағымен ұйымдастырылған «Қауіпсіз жағалау» акциясы болады. Осы акция суға түсу кезеңінде төтенше жағдайларды болдырмау және алдын алуға бағытталған.  Мектеп жасағымен көл жағалауында судағы сақтық шараларын сақтау туралы ескертпелер мен буклеттер таратылды және үлестірілді.

2019 жылғы қазанда  Қашар кентінде 2 шағынаудандағы № 4 балабақша жанында скейтпарк орнатылды. Жыл сайын скейтпен айналысушы жастар саны ұлғаюда, осыған байланысты скейтпарк құру идеясы келді,  ең бастысы жастар еркін, қауіпсіз сырғанайды. Кентіміз үшін бірден-бір жоба «ССКӨБ» АҚ бастамасымен туындады.

Қашар кентінде өткізілген жәрмеңке туралы

2019 жылы Қашар кентінде жәрмеңке өткізу салтқа айналды. Қаңтардан бастап желтоқсан аралығында тоғыз жәрмеңке өткізілді, жалпы сомасы 18 млн. 150 мың теңгеге, Коврижных О.А. ЖК шағын базары аумағында кент тұрғындары үшін өткізілді. Қашар кенті әкімі аппаратымен Федоровка ауданы, Қостанай, Рудный, Лисаков  қалаларының, Затабол к. мен Қашар к. кәсіпкерлері әр түрлі тауарларымен шақырылды.

Мемлекеттік қызметтер

Қазақстан Республикасының 2013 жылғы 18 қыркүйектегі № 983 қаулысымен бекітілген мемлекеттік қызметтер тізіліміне сәйкес «Қашар кенті әкімінің аппараты» ММ 21 мемлекеттік қызмет көрсетеді. Оның ішінде 2019 жылы «Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды сатып алу» бір мемлекеттік қызметін  8 жеке тұлға мен 3 заңды тұлғаға көрсетті.

 

ӨЗ СӨЗІМДІ ҚОРЫТЫНДЫЛАЙ КЕЛЕ, 2020 ЖЫЛҒА АРНАЛҒАН ЖОСПАРЛАР ТУРАЛЫ ҚЫСҚАША АЙТҚЫМ КЕЛЕДІ:

-         Өз құзыретім  шегінде кенттегі апатты объектілерді бөлшектеу немесе консервациялау бойынша қажетті заңды шараларды жүргізу;

-         Балалар және спорт алаңшаларын орнату бойынша жұмыстарды жүргізуді жалғастыру;

-         Автомобиль жолдарын жөндеуді жалғастыру және мүмкіндікке қарай кварталіші жолдарын жөндеуді аяқтау;

Одан бөлек, «Рудненский водоканал» ЖШС келесі жұмыстарды жүргізуді жоспарлауда:

-   Қашар к. ГКНС-КОС бас кәріздік коллекторды қайта құру (сол жақ тізбек);

-   Қашар к. ГКНС-КОС бас кәріздік коллекторды қайта құру (оң жақ тізбек);

-   Қашар к. КОС ультра дыбыстық шығын өлшегіш-есептеуішті өңдеу;

-   Қашар к. үшінші сукөтерме сорғы станциясының (№ 3 сорғы) технологиялық құрылғыларын модернизациялау. Өңдеу жұмыстары.

 

 Горняцк кентінің әкімі Б.Т. Сандыбаевтың

2019 жылғы атқарған жұмысы туралы есебі

 

Рудный қаласы әкімдігінің «Горняцк кенті әкімінің аппараты» ММ әкімшілік бағынысына Горняцк кенті және Перцев ауылы кіреді.

Кент халқы 1852 адамды құрайды, соның ішінде бөлініспен: Горняцкий – 1320 адам, Перцев – 532 адам, оның ішінде зейнеткерлер – 317 адам. Экономикалық тұрғыдан белсенді халық саны - 1030 адамды құрайды, оның ішінде жұмыс істейтіндер – 968 адам.

2019 жылы жергілікті өзін-өзі басқару қорынан ақшалай қаражат жұмсалды:

шаруашылық мүкәммалы және құрылыс мүкәммалын сатып алуға – 63,3 мың теңге;

бау - бақша мүкәммалын сатып алуға  - 34,4 мың теңге;

электр тауарларын сатып алуға – 172,5 мың теңге;

мотокосаға бензин және қосалқы бөлшектер сатып алуға – 169,0 мың теңге;

көше жарықтандыру жабдықтарын ағымдағы жөндеуге – 500,0 мың теңге;

ағаштарды құлатуға  – 250,0 мың теңге;

иттерді аулауға– 298,0 мың теңге;

кенттердің аумағын абаттандыру – 358,0 мың теңге.

2019 жылы жергілікті бюджеттен кенттерді абаттандыру үшін ақшалай қаражат бөлінді, соның ішінде:

қыс мезгілінде жолдар мен көшелерді тазалауға – 2 млн. 98 мың теңге;

көше жарықтандыруға қызмет көрсетуге – 507 мың теңге;

Перцев ауылында шағын сәулет ғимаратын салуға – 3 млн. 966 мың теңге;

Горняцк кенті Партизан көшесін жарықтандыруды ағымдағы жөндеуге – 2 млн. 650 мың 800 теңге.

Білім беру

2019-2020 оқу жылында Горняцк кентінде Рудный қаласының     9 мектебінде білім алатын 188 оқушы тегін тасымалдаумен қамтылды. Горняцк кентінің тұрғындары үшін № 11 орта мектебінің негізінде шағын орталық – орыс (17 адам) тілінде оқытатын 1 топ  және мектепалды даярлық орыс (13 адам) тілінде оқытатын 1 сынып ашылды.

Перцев негізгі мектебінде 94 оқушы (оның ішінде Қостанай ауданы Семилетка кентінде тұратын 13 оқушы) білім алады, шағын орталық (13 адам) және мектепалды даярлық сыныбы (8 адам) ашылды.

Денсаулық сақтау

Горняцк кенті және Перцев ауылының медициналық пункттері медқызметкерлер штатымен, дәрі-дәрмектермен және жабдықтармен толықтай қамтылған. Перцев ауылында айына екі рет тұрғындар қалалық емханадан келетін және қабылдау жүргізетін дәрігер - мамандарға тексерілуге мүмкіндіктері бар. Қажет болған жағдайда кент тұрғындары жедел жәрдем көлігін шақыра алады.

Халықты әлеуметтік қорғау және жұмысқа орналастыру

2019 жылы Горняцк кенті және Перцев ауылында 25 жұмыссыз тіркелді.  Олардың барлығы қоғамдық жұмыстарға жіберілді. Өзін-өзі жұмыспен қамтығандар – 7 адам. 2019 жылы «Рудный қалалық жұмыспен қамту және әлеуметтік бағдарламалар бөлімі» ММ Горняцк кенті және Перцев ауылының тұрғындарына сомасы 1 млн. 836 мың 900 теңгеге әлеуметтік көмек көрсетілді, Горняцк кентінің 13 отбасына сомасы 223 872 мың теңгеге тұрғын үй көмегі көрсетілді.

ТКШ саласындағы жұмыстар

«Рудненский Водоканал» ЖШС орталық сумен жабдықтау және көше колонкалары арқылы кент тұрғындарын сумен қамтамасыз етеді. Партизан көшесінің тұрғындарына автоцистернамен ауыз су жеткізу ұйымдастырылды, себебі осы ауданда су айдауыш колонка жоқ.

Горняцк кентіне жылу беруді Рудный ЖЭО қамтамасыз етеді. Кентті жылумен қамтамасыз ету желісіне техникалық қызмет көрсетуді «Рудненские тепловые сети» ЖШС жүргізеді.

2019 жылғы маусымнан қыркүйекке дейін Горняцк кентінде Мичурин көшесі, 30 үйден Геологоразведчик көшесі, 19 үйге дейін ұзындығы 252 метр, Сәтпаев көшесі, 23 үйден 39 үйге дейін және 41 үйден 47 үйге дейін ұзындығы 860 метр, Дощанов көшесі, 43 үйден 55 үйге дейін және 72 үйден 80 үйге дейін ұзындығы 346 метр жылу желілері ішінара ауыстырылды және оқшауланды.

Перцев ауылында табиғи газ құбырына 151 үйден 129 абонент қосылған.

Тұрғындарға қолайлы болу үшін әр сейсенбі сайын Горняцк кентіне «АвтоГазСнаб» ЖШС көлігі келіп, баллондарды сұйытылған газбен толтырады. 2018 жылдың сәуірінен бастап тұрғындардың өтініші бойынша газ баллондары мекенжайларға айдың соңғы сейсенбісінде алдын-ала тапсырыс бойынша 1 рет жеткізіледі.

Абаттандыру

Көктем-жаз мезгілінде кенттер аумағында сенбіліктер өткізілді. Кенттерді күн сайын қоқыстан тазалау жүргізіледі. Қажет болған жағдайда кент аумағында шөп шабылды.

Механикаландырылған тәсілмен көшелерді қысқы және жазғы тазалау

2019 жылға механикаландырылған тәсілмен көшелерді қысқы және жазғы тазалау үшін қалалық бюджеттен 2 млн. 98 мың теңге бөлінді және игерілді. Қыс уақытында кенттерде көшелерді қардан тазалау қар жауғанда жүргізіледі.

Көше жарықтандыру желілеріне қызмет көрсету

2019 жылы Горняцк кенті және Перцев ауылында көше жарықтандыру шамдарына жөндеу жүргізілді және ауыстырылды. Елді мекендерде көше жарықтандыруға қызмет көрсету мүмкіндігінше қысқа мерзімде жүргізіледі.

Қоқыс шығару

Горняцк кентінде ТҚҚ шығару бекітілген кестеге сәйкес жүргізіледі: контейнерлік тұрақтан - әр дүйсенбі, бейсенбі және сенбі сайын, жеке сектордан - әр бейсенбі және сенбі сайын. Жаз кезеңінде қоқыс шығару іркіліспен жүзеге асырылды.

Иттерді аулау және мал дәрігерлік іс-шараларды өткізу

Рудный қаласы әкімдігінің «Рудный қалалық мал дәрігерлік станциясы» МКК кенттердегі қаңғыбас иттерді аулайды.

Жылына екі рет малға мал дәрігерлік дауалау жұмыстары жүргізіледі. Ауру жұқтырған мал басы анықталған жағдайда әкімдік оның мал соятын орынға тапсырылуын қадағалайды.

Мемлекеттік қызметтер көрсету

Рудный қаласы әкімдігінің «Горняцк кенті әкімінің аппараты» ММ мемлекеттік қызметтің 2 түрі көрсетіледі: «Шалғайдағы ауылдық елді мекендерде тұратын балаларды жалпы
білім беру ұйымдарына және кері қарай үйлеріне тегін
тасымалдауды ұсыну», «Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтарды алу». 2019 жылы 206 мемлекеттік қызмет көрсетілді.

         2019 жылы «Өзіне-өзі қызмет көрсету бұрышы» арқылы мемлекеттің қызметтің келесі түрлері көрсетілді: «Қазақстан Республикасының аумағында жылжымайтын мүлік объектілерінің мекенжайын айқындау бойынша анықтама беру», «Мекенжай анықтамасын беру». Ағымдағы жылы осы бағыттағы жұмыс жалғастырылатын болады. Сондай-ақ әкімдік мамандары кент тұрғындарымен ЭСҚ (электронды-сандық қолтаңба) алу қажеттілігі туралы түсіндіру жұмыстары жүргізіледі.

Жеке және заңды тұлғалардың өтініштерін қарау бойынша жұмысты ұйымдастыру

2019 жылдың өткен кезеңінде 57 өтініш (өтініш) тіркелді, соның ішінде: жеке тұлғалардан - 20, жеке қабылдаудан - 37.

«Рудный қаласы әкімінің аппараты» ММ арқылы шағымдар түскен жоқ.

Жазбаша өтініштерді талдаудан жеке қосалқы шаруашылық мәселелері басым болып табылады – 9 өтініш.

Жеке қабылдаудың өтініштерін талдаудан тұрғын үй-коммуналдық шаруашылық мәселелері басым болып табылады – 26 өтініш.

Жеке тұлғалардың 20 жазбаша өтініштерінің ішінде: 9 - на түсініктеме берілді, 10 – қанағаттандырылды, 1 - құзыреті бойынша жолданды.

Өткен кезеңде заңды тұлғалардан жазбаша өтініштер түскен жоқ.

Жеке қабылдау барысында 37 өтініш келіп түсті, түсіндірулер берілді.

Горняцк кенті әкімінің аппаратында жеке және заңды тұлғаларды қабылдау кестесі «Рудненский рабочий» газетінде жарияланады.

Әкімдік ғимаратында келушілер үшін кент әкімінің жеке және заңды тұлғалардың өкілдерін қабылдау кестесі бар.

Өтініштердің жалпы санынан шағымдар түскен жоқ.

2019 жылдың өткен кезеңінде жеке және заңды тұлғалардың қайталама өтініштері түскен жоқ.

Рудный қаласы әкімдігінің «Горняцк кенті әкімінің аппараты» ММ келіп түскен барлық өтініштерге заңнамамен белгіленген мерзімде түсіндіру сипатындағы жазбаша дәлелді жауаптар берілді.

Мерзімі асырылып және ұзарта отырып қаралған өтініштер жоқ.

Байланыс, интернет және пошта

         Горняцк кенті және Перцев ауылы тұрғындарын телефон байланысымен «Қазақтелеком» АҚ қамтамасыз етеді. Горняцк кентінің тұрғындары «Евразия стар» ЖШС интернет қызметін пайдаланады, ал Перцев ауылының тұрғындары - Мегалайн интернет қызметін пайдаланады.

Кенттерде «OTAU TV» ұлттық спутникті телерадиохабарына 107 абонент қосылған.

         Кент тұрғындарына зейнетақы уақытылы жеткізіледі. 2019 жылдың ортасынан бастап баспа хат-хабарларын жеткізу іркіліспен жүргізілді.

Шағын және орта бизнес

Горняцк кентінде бірінші қажеттіліктегі азық-түлік және тауарлары бар 3 дүкен бар. Перцев ауылында шағын бизнестің 5 нысаны жұмыс істейді: «ЕКТА» ЖШС, «Позднякова Е.В.» ЖК, 3 дүкен.

Автобус қозғалысы

Рудный қаласына тұрақты автобус қатынасы ұйымдастырылған: Перцев ауылының тұрғындары күніне 5 рет, ал Горняцк кентінің тұрғындары сағат сайын таңғы 7 - ден 19.00 - ге дейін қалаға келіп-кету мүмкіндіктері бар.

Мемлекеттік мерекелерге дайындық және өткізу

Әкімдік аппараты мәдениет мекемесімен бірлесіп мемлекеттік және ұлттық мерекелерге арналған жалпы кенттік шараларды ұйымдастырады және өткізеді.

Горняцк кентінде «Арман» клубы құрылған және «Улыбка» аулалық клубы жұмыс істейді.

Көктемгі су тасқынына дайындық және оны апатсыз өткізу

Тасқын мезгілін апатсыз өткізу бойынша жұмыстар кенттегі тасқынға қарсы шаралардың құрастырылған және бекітілген жоспарына сәйкес жүргізілді. 2020 жылдың ақпан-наурыз айларында елді мекендерден тыс жерлерге қар шығару жоспарлануда.

 

2020 жылға арналған жоспарлар:

 

     1. Шағын сәулет ғимараттарының құрылысы (Перцев ауылы және Горняцк кентінде балалар спорт алаңы).

     2. Перцев ауылындағы Омаров және Юбилей көшелерін асфальттау бойынша жұмыстарды жүргізу.

     3. Горняцк кентінің Мичурин көшесіне «Жасанды кедір – бұдыр» орнату.

     4. Горняцк кенті және Перцев ауылында көшені жарықтандыру объектілерін ағымдағы ұстау, техникалық қызмет көрсету бойынша жұмыстарды жалғастыру.

     5. Елді мекендерді абаттандыру бойынша жұмыстарды жүргізу.

     6. Рудный қаласының мектептеріне Горняцк кентінде тұратын оқушыларды тасымалдауды тұрақты бақылауда ұстау.

хат жіберу